Xiisad ciidan ayaa ka taagan maanta jidka u baxa Garoonka Dayaaraha magaalada Boosaaso ee gobolka Bari taasoo u dhexeysa ciidamo ka wada tirsan maamulka Puntland
Goob joogayaal ayaa sheegay in xiiada ay dhalatay ka dib markii ciidamada Badda Puntland ee (PMPF) ay jareen qaar kamid ah dhir ay ciidanka kale ee PSF loo yaqaan ku beereen jidka Garoonka Diyaaraha.
Ciidanka Badda, waxa la sheegey in ay dhirta u jareen si xayndaab silig ah ay ugu sameeyaan Garoonka Diyaaradaha magaalada Boosaaso
Hase ahaatee waxaa talaabadaas ka biyo-diidan ciidanka PSF oo iyagu dhirtan iyo kuwo kaleba ku beerey jidadka muhiimka ah ee magaalada Boosaaso.
Saraakiil iyo masuuliyiin ka tirsan Maamulka Puntland ayaa wada dedaalo lagu xalinayo khilaafka soo kala dhex galay labada ciidan oo mar ku sigtay iney dagaalamaan.
Xafiiska Shabakada Allbanaadir.com
Muqdisho Somalia
Allbanaadir@live.com
