Guddoomiyaha Aqalka Sare Senator Abdi Hashi Abdullahi ayaa maanta xafiiskiisa ku qaabilay safiirka Boqortooyada Sacuudi Carabiya u fadhiya Jamhuuriyadda Federaalka Soomaaliya Mudane Axmed Maxamed Saalax Almuwallad .
Safiirka ayaa Guddoomiyaha ugu yimid salaan sharafeed iyo hambalyo ku aaddan dib u doorashadiisa, iyo sida hufnaanta laheyd ee ay u qabsoontay doorashadii Guddoonka Aqalka Sare iyo tii Madaxwaynaha Jamhuuriyadda.
Guddoomiyaha Aqalka Sare ee Baarlamanaka federaalka iyo safiirka Sacuudiga u jooga Soomaaliya ayaa waxa ay ka wada hadleen sidii ay iskaga kaashan lahaayeen kor u qaadidda xiriirka Labada Dal ee Soomaaliya iyo Sacuudiga.
Safiirka Boqortooyada Sacuudiga u jooga Soomaaliya ayaa kulamo kala duwan la qaatay madaxda dalka ugu sareysa sida Madaxweynaha Cusub ee Soomaaliya iyo guddoomiyaasha labada Aqal ee Baarlamaanka federaalka.
Xafiiska Shabakada Allbanaadir.com
Muqdisho Somalia
Allbanaadir@live.com
