Ciidanka Xoogga dalka Soomaaliyeed gaar ahaan ururka 5aad Guutada 16 ee Danab ee ayaa howlgal qorsheysan ka fuliyay Degaanka Ceelcadde oo qiyaastii 30km u jira magaalada Kismaayo.
saraakiisha horkaceysay howgalka ayaa sheegay in la dilay xubno ka tirsan Al-shabaab, qaar kalena nolol lagu soo qabtay.
“Howlgalku intii uu socday waxaa lagu dilay 11 Dhagar-qabe halka nolosha lagu qabtay 2 ka mida maleeshiyad, waxa kaloo laga soo furtay 6 qoray oo ah Ak-47 iyo Hal qori BKM ah” ayuu yiri Carab Dheeg Axmed oo ah Taliyaha Ururka 5-aad Guutada 16-aad kumaandooska Xoogga dalka Somaliyeed ee Danab.
Taliyaha ayaa xusay inay sii wadayaan howlgallada lagu baacsanayo Al-Shabaab, ayna qorsheynayaan sidii looga cirib tiri lahaa Jubbooyinka, isagoo xusay in labada qof la soo qabtay ay yihiin carruur ay marin habaabiyeen Al-Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
