Allbanaadir.com
NEWS

Wararkii u Dambeeyay Qaraxii ka dhacay Muqdisho iyo Faah Faahino kasoo baxaya

Waxaa goordhaw qarax xooggan oo si weyn jugtiisa looga maqlay qeybo badan oo kamid ah magaalada Muqdisho uu ka dhacay koontaroolka laga ilaaliyo garoonka Diyaaradaha Aadan Cadde ee ku dhaw Isgooska KM-4 .

Qaraxan ayaa sida aan wararka ku helnay ka dhashay nin waxyaabaha qarxa isku soo xiray oo ku dhagay gaari marayay agagaarka koontaroolka ciidamada joogaan gaar ahaan kasoo horjeeda Hotelka Afrik.

Saraakiisha booliiska ayaa sheegay in qaraxa fuliyay nin waxyaabaha qarxa jirkiisa kusoo xiray oo bartilmaameedsaday gaariga goobtaasi marayay, waxaa sidoo kale goobta ku sugnaa gaadiid kale.

Khasaaro isugu jira dhimasho iyo dhaawac ayaa ka dhashay qaraxa ismiidaaminta ah, waxaana waxyeelada xoogeeda soo gaartay askartii la socotay gaariga la qarxiyay iyo gaadiid kale oo goobta ku sugnaa .

Gaariga qaraxa lala beegsaday ayaa warar soo baxaya sheegayaan in uu leedahay sargaal ciidan oo halkaasi marayay, lamana oga waxyeel;o soo gaartay dadkii sida gaarka ahaa loola beegsaday qaraxa.

Qaraxan ayaa dhacaya xilli maanta si weyn loo adkeeyay ammaanka magaalada Muqdisho oo la filayo in kulan ku yeeshaan Xildhibaanada labada Aqal ee Baarlamaanka federaalka oo maanta dhageesanaya qeyb kamid ah khudbadaha musharaxiinta Madaxweynaha.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Ciidamada Kenya oo dambiyo dagaal oo joogto ah ka geesanaya Gudaha Soomaaliya

Cabdi Cade

Qarax Lagu dilay Masuuliyiin oo goordhaw ka dhacay Duleedka magaalada Muqdisho

Cabdi Cade

Wasiir muhiim ah oo katirsanaa Jubbaland oo isku casilay Cabdirashiid Janan Owgiis !!

Cabdi Cade
Taboola Ads ---