Ra’iisul Wasaaraha Somalia Mudane Maxamed Xuseen Rooble ayaa la kulmay Guddoomiye ku-xigeenka koowaad ee Golaha Shacabka BFS Sacdiyo Yaasiin Xaaji Samatar.
Rooble iyo Sacdiya ayaa ka wada hadlay u diyaar garowga doorashada madaxweynaha Jamhuuriyadda oo maalmo kooban ka harsan yihiin iyo nidaamka doorashada uu u noqon lahaa mid hufan.
Guddoomiye ku-xigeenka koowaad ee Golaha Shacabka BFS Sacdiyo Yaasiin Xaaji Samatar ayaa noqotay haweeneydii ugu horeysay ee xilkan ka qabata baarlmanka Somalia.
Doorashada Madaxweynaha Somalia ayaa la filayaa in lagu qabto magaalada Muqdisho 15ka bishan oo maalmo kooban ay inaga xigaan waxaana u taagan illaa 39 Musharax.
