Wasiirka Wasaaradda Waxbarshadda Hiddaha iyo Tacliinta Sare ee Somalia Abdullahi Abukar Haji, ayaa daah furay Qorshaha Waxbarashadda Qaranka ee 5ta Sano ee soo Socota, 2022-2026.
Wasiirka ayaa sheegay in Qorshaha Waxbarshadda Qaranka oo ay diyaarintiisu socotay muddo ku dhaw sanad iyo bar (16Bilood), uu yahay kii labaad ee ay diyaariso Wasaaradda Waxbarashadda muddo ka badan 30 Sano, Sidoo kale waa qorshihii ugu horeeyey ee ay hogaamiso wasaaradda.
“Qorshahan wuxuu mudnaanta koobaad Siinayaa baahiyaha Waxbarshadda dalka, waxaana ku qeexan muhiimadaha ay kala leeyihiin qeybaha Waxbarshadda ee Kala ah: Waxbarsho loo siman yahay iyo Waxbarasho tayo leh” ayuu yiri wasiirka
Dhinaca kale, Wasiirka ayaa sheegay in Wasaaradda Waxbarashada ay wajahayso dhaqaale la’aan baahsan oo sababi karta in sanadkaan aysan dowladu qaadin Imtixaankii shahaadiga ee Dugsiga sare
Wasiir Carab ayaa xusay in Wasaaradda lagu leeyahay lacagihii sanadkii hore ee lagu qaaday imtixaanka, kadib markii Wasaarada Maaliyada laga waayay lacagahaas haatana aysan jirin deymo kale oo laq heli karo
