Guddiga isku dhafka ee qaban qaabada doorashada Madaxweynaha Soomaaliya ayaa maanta kulan gaar ah la qaatay taliyaasha Ciidamada Booliiska iyo Milatariga dowladda Soomaaliya iyo saraakiil kale.
Kulankan dhax maray guddiga doorashada iyo taliyaasha ciidamada ayaa diirada lagu saaray xaqiijinta ammaanka goobta ay doorashada ka dhaceyso iyo sidoo kale amniga guud ee caasimadda inta doorashada socoto.
Guddiga doorashada ayaana taliyaasha ciidamada sidoo kale kala hadlay sidii ciidamada ammaanka ee waddooyinka jooga socodka ugu fududeyn lahaayeen Xildhibaanada labada Aqal ee kusii jeeda teendhada Afisiyooni.
Doorashadii Guddoonka gollaha shacabka ayaa ciidamada ammaanka waxa ay waddooyinka ka xirteen xildhibaanada gollaha shacabka ee kusii jeeday teendhada Afisiyooni, taas oo keentay in doorashada dib u dhacdo saacado aad u badan.
Xafiiska Shabakada Allbanaadir.com
Muqdisho Somalia
Allbanaadir@live.com
