Guddoomiyaha Golaha Shacabka Baarlamaanka Jamhuuriyadda Federaalka ee Soomaaliya mudane Sheekh Aadan Maxamed Nuur(Madoobe) ayaa maanta hoygiisa ku soo dhoweeyey Guddoomiyaha Golaha Aqalka sare mudane Cabdi Xaashi Cabdullahi.
Labada Guddoomiye ayaana kawada hadlay kal-fadhiga Baarlamaanka federaalka ee loo balansan-yahay afarta bishan May in uu noqdo mid wadajir ah oo ay yeeshaan xildhibaanada labada Aqal.
Kulanka wadajirka ah ee yeelanayaan Xildhibaanada labada Aqal ee Baarlamaanka federaalka ayaa looga hadli doonaa arrimaha doorashada madaxweynaha dalka iyo miisaaniyada dowladda ee sanadkan 2022-ka.
Waxaa sidoo kale la filayaa in kulanka wadajirka ah lagu magacaabo guddi qaban qaabiya doorashada Madaxweynaha Soomaaliya ay iska soo dhax xuli doonaan Baarlamaanka labadiisa Aqal .
Doorashada Madaxweynaha Soomaaliya ayaa la filayaa in la dedejiyo ayna qaadato maalmo yar, waxaana guddoonka labada Aqal isla garteen sida aan wararka ku helnay in doorashada si deg deg ah loo qabto si xaalada adag uu dalka ku jiro looga saaro .
Xafiiska Shabakada Allbanaadir.com
Muqdisho Somalia
Allbanaadir@live.com
