Dowladda Mareykanka ayaa dooneysa in colaada ka aloosan dalka Itoobiya gaar ahaan gobolka Tigrey iyo gobolada ku dhaw dhaw lagu xaliyo wadahadal iyo isu tanaasul badalkii dagaal wax lagu raadin lahaa.
Wasaaradda arrimaha dibadda Mareykanka ayaana ugu baaqday dhinacyada isku haya colaada dalka Itoobiya in ay isugu yimaadaan wadahadal ayna gaaraan xabad joojin si loo soo celiyo adeegyadii muhiimka ahaa ee ka jiray gobolka Tigrey.
“Waxaan hadda ku boorineynaa dhinacyada inay ka faa’iideystaan fursadda lagu hormariyo wadahadallada xabbad-joojinta oo ay ku jiraan amniga iyo soo celinta adeegyada muhiimka ah ee gobolka Tigray si deg deg ah,” ayuu Blinken ku yiri hadal uu soo saaray.
Ciidamada daacada u ah kooxda TPLF ayaa wali ku sugan deegaano katirsan gobolka Canfarta, waxaana kooxdaasi horey u ballan qaaday in ay ka baxeyso deegaanada ay ka joogto gobolka dariska la ah.
Colaada ka aloosan dalka Itoobiya ayaa galaaftay nolosha kumanaan qof , waxaa sidoo kale ku barakacay dad aad u badan, waxaana wali adag in dowladda iyo kooxda TPLF khilaafkooda siyaasadeed si fudud ku dhameeyaan.
Xafiiska Shabakada Allbanaadir.com
Muqdisho Somalia
Allbanaadir@live.comÂ
