Xildhibaanada gollaha shacabka ee Baarlamaanka federaalka Soomaaliya ayaa lagu wadaa in beri xaruntooda KMG ee Villa Hargeysa ku yeeshaan kulankii ugu horeeyay ay isugu imaanayaan iyaga oo doortay guddoonkooda rasmiga ah.
Kulanka xildhibaanada gollaha shacabka yeelanayaan beri ayaa ajandahooda lagu sheegay hadal jeedinta guddoomiyihii KMG ee gollaha shacabka oo beri xilka wareejinaya iyo sidoo kale hadal jeydinta guddoomiyaha cusub ee gollaha shacabka.
Xildhibaanada gollaha shacabka ayaana lagu wadaa in beri tagaan xarunta Villa Hargeysa iyaga oo leh guddoon rasmi ah ay doorteen, waxaana beri shir guddoonka gollaha la wareegi doona guddoomiyaha cusub ee gollaha shacabka.
Guddoonka cusub ee gollaha shacabka ayaa la filayaa in dardar galiyaan shaqadooda maalmaha ugu horeeya, waxaana lagu wadaa in guddoonka magacaabaan guddi doorasho oo qaban qaabiya doorashada Madaxweynaha Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.comÂ
