Qarax xoogan loo adeegsaday gaari waxyaabaha qarxa laga soo buuxiyay ayaa caawa lagu weeraray hotel cusub oo kuyaala xeebta Liido ee magaalada Muqdisho, waxaana hotelka la weeraray ku sugnaa Xildhibaano, saraakiil ciidan iyo siyaasiyiin.
Sida aan wararka ku heleyno hotelka qaraxa lagu weeararay ayaa waxaa shir ku lahaa qaar kamid ah Xildhibaanada cusub ee beesha Dhulbahante ku matalaya Baarlamaanka labada aqal, waxaana kulanka qeyb ka ahaa taliyaha ciidanka booliiska Soomaaliya Jen. Xijaar.
Qaraxa hotelka lagu weeraray kadib ayaa la maqlayay rasaas xoogan oo ka dhaceysa aaga hotelka la weeraray, walina si rasmi ah looma oga in rasaastaasi tahay iska hor imaad iyo mid ciidamada ammaanka ridayeen.
Taliyaha Ciidanka booliiska Soomaaliya iyo xildhibaanada ku sugnaa hotelka ayaa lasoo sheegayaa in ay ka badbaadeen qaraxa, waxaana qaraxa ka dhashay khasaaro isugu jira dhimasho iyo dhaawac soo gaaray askar iyo dad kale oo shacab ah.
Ciidamo badan oo aad u hubeesan ayaa gaaray goobta uu qaraxu ka dhacay, waxaana mar qura dadkii ku sugnaa Xeebta Liido ku kala carareen , iyadoona hoteelo badan dadkii ku sugnaa ka firxadeen.
Waxii warar ah ee soo kordha kala soco wararkayaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.comÂ
