Madaxweynaha Dowladda Galmudug, mudane Axmed Cabdi Kaariye, ayaa ka tacsiyeeyay geerida naxdinta leh ee ku timid allaha u raxmadee, Abwaan Badal Jaamac Xersi (Laangare), oo caawa kooxo hubeysan ku dileen degmada Kaxda ee duleedka Muqdisho xili uu salaadii maqrib ka soo baxay masjid ku yaala degmadaas.
Madaxweynaha ayaa si guud ugu tacsiyeeyay ummadda Soomaaliyeed, gaar ahaanna qoyska, qaraabada iyo xigtada marxuumka, waxuuna Eebbe uga baryay inuu ka waraabiyo Janadiisa Firdowza aheyd
Abwaan Badal ayaa ka mid ahaa nabadoonada Galmudug, wuxuuna had iyo goor u taagnaa nabadeynta iyo dadaalada dib u dhiska dowladnimada Soomaaliya.
