Qarax ayaa caawa lagu weeraray ciidamo ka tirsan kuwa dowladda Soomaaliya oo ku sugnaa degaanka Tabeellaha Sheekh Ibraahim oo ka mid ah degaanada ku teedsan jidka isku xira Afgooye iyo Muqdisho.
Goob joogayaal ayaa sheegay in qaraxa oo loo adeegsaday bam gacanta laga tuuray uu ku habsaday goob ay joogeen ciidanka ilaalada Suuqa Tabeellaha ee lacagaha Canshuurta ahna ka qaada.
Laba Askari ayaa la xaqiijiyey iney ku naf waayeen qaraxaas halka lix Ruux oo qaarkood ay shacab yihiina ay ku dhaawacmeen sida sheegeen ilo xog ogaal ah.
Isbitaal ku yaalla Tabeellaha Sheekh Ibraahim ee duleedka Magaalada Muqdisho ayaa la gaarsiiyey dadka ku dhaawacmay qaraxan halkaasoo lagu dabiibayo.
