Dab aad u xoogan ayaa qabsaday caawa goobo ganacsi oo ku yaalla degmada Kaxda ee magaalada Muqdisho.
Wararka ayaa sheegaya in dabku uu ka bilowday sandaqado ku yaalla boosteejada laga raaco, uuna ku fiday bakhaaro ganacsi iyo dhismeyaal kale oo halkaas ku yaalla.
Lama oga ilaa hadda sababta kicisay iyo waxa uu ka bilowday dabkan, balse gaadiidka dab demiska ayey wararku sheegayaan iney halkaas gaareen, iyagoo la tacaalaya dabka.
Goobta uu dabku ka kacay oo magaceeda lagu sheegay quraca Nabada ayaa waxaa ku sugan ciidamada amaanka, qaar ka mid ah madaxda maamulka degmada Kaxda iyo dadweyne fara badan oo halkaas so buuxiyey.
Lama soo sheegin dad wax ku noqday dabkan balse waxaa la aaminsan yahay inuu salfaday hanta aan tirakoob sax ah laga heynin oo ku jirtay goobaha gubtay.
Xafiiska Shabakada Allbanaadir.com
Muqdisho Somalia
Allbanaadir@live.com
