Xarunta guddiga doorashada heer federaal ayaa maanta waxaa ka jira mashquul badan, waxaana halkaasi tagay xildhibaano aad u badan oo saf dheer ugu jira qaadashada shahaadada Xildhibaanimo.
Xildhibaanada maanta qaatay shahaadada ayaa waxaa ku jira Wasiiro katirsan xukuumadda Soomaaliya iyo masuuliyiin kale, kuwaa oo kamid ahaa xildhibaanadii horey u diidanaa in shahaadada qaataan.
Xubnaha shahaadada qaatay goordhaw waxaa kamid ah Guddoomiye kuxigeenka labaad ee gollaha Shacabka Mahad Cabdalla Cawad, Wasiirka gargaarka musiibooyinka Khadiijo Diiriye iyo masuuliyiin kale oo katirsan dowladda.
Xildhibaanada Koonfur Galbeed laga soo doortay ayaa sidoo kale qaarkood qaateen shahaadada halka kuwa kalana safaf ugu jiraan in isla maanta qaataan shahaadada iyo ID-Cardka xildhibaanimo.
Xildhibaanada qaatay shahaadada ayaa sidoo kale aaday hoolka ku yaala xerada Afisiyooni halkaasi ka dhaceyso munaasabadda maanta lagu dhaarinayo xildhibaanada labada aqal ee Baarlamaanka federaalka.
Xafiiska Shabakada Allbanaadir.com
Muqdisho Somalia
Allbanaadir@live.comÂ
