Xarunta guddiga doorashada heer federaal waxaa xilligan ka socota shahaado siinta xildhibaanada labada aqal ee Baarlamaanka federaalka ee laga soo doortay Koonfur Galbeed iyo kuwa kale oo la safnaa Fahad Yaasiin.
Xildhibaano katirsanaa kutlada NISA uu madax u ahaa Fahad Yaasiin ayaa qaarkood tagay xarunta guddiga doorashada kuwaa oo qaatay shahaadada Xildhibaanimo iskuna diyaarinaya ka qeyb galka munaasabadda dhaarinta.
Xildhibaanada kutlada NISA katirsanaa ee goordhaw shahaadada qaatay waxaa kamid ah Dayax Cumar iyo sidoo kale Faarax Cabdi Diini, xubnahan ayaa kamid ahaa saraakiishii NISA uu soo saaray Fahad Yaasiin.
Waxaa sidoo kale xilligan xarunta guddiga doorashada ku sugan Xildhibaano katirsan kuwa Koonfur Galbeed lagu doortay oo goordhaw soo gaaray Muqdisho, kuwaa oo saf dheer ugu jira qaadashada shahaadada.
Lama oga xildhibaanada NISA katirsanaa ee qaatay shahaadada in uu soo fasaxay Fahad Yaasiin iyo in ay soo cidleeyeen, waxa ayna imaaneysa shahaado qaadashada xildhibaanadan xilli la xaliyay tabashadii Koonfur Galbeed lagana tagay Fahad Yaasiin.
Xildhibaanada horey u qaatay shahaadada Xildhibaanimo iyo kuwa hada qaadanaya ayaa la filayaa in saacadaha soo aadan lagu dhaariyo teendhada Afisiyooni, waxaana hoolka dhaarinta haa sii gaaray xildhibaano badan oo horey shahaadada u qaatay.
Xafiiska Shabakada Allbanaadir.com
Muqdisho Somalia
Allbanaadir@live.comÂ
