Xildhibaan Cabdulqaadir Cosoble Cali ayaa mar kale ku guulaystay kursiga tirsigiisu yahay HOP140 ee golaha shacabka oo caawa doorashadiisa ka qabsoontay Magaalada Jowhar.
Musharax Madaxweyne Cabdiqaadir Cosoble oo kursigan loo xiray ayaa helay 76-cod halka Musharax Cabdikariim Tifow oo malxiis ahaa uu helay 22-cod
Xildhibaan C/qaadir Cosoble oo hadal kooban jeediyey ayaa ka mahad celiyey xilka xildhibaannimo ee loo doortay mar kale, isagoo Dhinaca kale weerarka ah ku qaaday Madaxweyne Farmaajo
“Madaxweynaha waqtigiisa dhammaaday shantii sano la soo dhaafay dalka dib ayuu u celiyay, waxaa tusaale u ah in 2016 markii Kursigan la ii dooranayay inaan safar dhulka ah magaaladan ku imid, xilli maqribna aan ka laabtay” ayuu yiri Cosoble
