Ciidamada AMISOM ayaa Maanta oo Jimco ah ay baaritaan ballaaran ka sameyn doonaan Xerada Xalane iyo xeyndaabka garoonka Aadan cadde ee Magaalada Muqdisho
Talaabadan ayaa timid ka dib markii dhawaan ay halkaas weerar ka geysteen dabley ka tirsan Al-Shabaab, iyadoo wixii markaas ka dambeeyey khalkhal xoogan laga dareemay amniga garoonka dayuuradaha iyo xerada Xalane
Qoraal kasoo baxay AMISOM ayaa waxaa lagu sheegay in inta uu baaritaanka ka socdo garoonka diyaaradaha Muqdisho loo ogolaan doono oo kaliya kaliya inay galaan dadka dhoofaya.
“AMISOM waxay 1-da abril baaris amni ka sameyn doontaa gudaha saldhiga Xalane, si ammaanka loo hubiyo. Saldhiga wuxuu ahaan doonaa mid si buuxda loo xiri doono illaa labada Abril,” ayaa lagu yiri qoraal kasoo baxay AMISOM.
Ciidamada AMISOM oo wata eeyaha wax baara ayaa saaka gudaha xerada Xalane ka bilaabay howlgal baaritaan ah oo laga sameynayo dhismayaasha, goobaha ganacsiga iyo hotelada ku yaalla halkaas.
Xafiiska Shabakada Allbanaadir.com
Muqdisho Somalia
Allbanaadir@live.com
