Guddoomiyaha gobolka Banaadir ahna duqa magaalada Muqdisho Mudane Cumar Maxamud Maxamed (Cumar Filish) ayaa xalay kormeeray dhismaha Taalada Daljirka Dahsoon oo dayactirkeeda la dhameestiray isla markaana si casri ah dib u dayactir loogu sameeyay.
Xarunta Taalada Daljirka Dahsoon ee degmada Boondheere ayaa ka mid ah goobaha taariikhiga ah ee Caasimadda ku yaala, iyadoo haatan si casri ah dib u habeyn loogu sameeyay.
Guddoomiyaha gobolka Banaadir ahna duqa Magaalada Muqdisho ayaa sheegay iney ka go’an tahay maamulkiisa dib u dhiska iyo soo celinta bilicda Muqdisho.
Cumar Maxamud Maxamed (Cumar Filish) ayaa uigu baaqay shacabka gobolka Banaadir iney ka shaqeeyaan nadaafada iyo bilicda xaafadahooda, isagoo xusay in maaamulka gobolka uu arrintaas gacan ku siin doono.
Xafiiska Shabakada Allbanaadir.com
Muqdisho Somalia
Allbanaadir@live.com
