Sida ay sheegeen saraakiisha Ukraine Markab laga leeyahay Ruushka ayaa lagu burburiyay magaalo-dekadeedka la heysto ee Berdyansk, iyadoo labo doomood oo kalena ay waxyeello ka soo gaartay.
Militarig Ukraine ayaa waxay sheegeen in markabka Orsk ay weerareen ciidamadooda.
Berdyansk oo ku talla galbeedka dekadda go’doonsan ee Mariupol, ayaa lala wareegay afar maalin kahor kaddib markii Ruushku uu ku duulay Ukraine.
Ruushka ayaa sheegay in dekadda uu u adeegsaday saldhig ahaan si qalabka loogu qaado ciidamadiisa.
Telefishinka ciidamada Ruushka ayaa toddobaadkii hore ammaanay tegitaanka Orsk ee Berdyansk maaddaama uu ahaa markabkii dagaal ee ugu horreeyay ee Ruushku leeyahay ee halkaasi gaara.
Muuqaal uu kor ka duubay weriye ka tirsan telefishinka dowladda Ruushka ee Murad Gazdiev ayaa muujinaya gawaarida gaashaaman oo laga dejinayo markabka Orsk oo dekadda ku sugnaa. Gawaarida qafilan ayaa loo adeegsan lahaa xoojinta ciidamada Ruushka, sida uu baahiyay weriyaha.
Xafiiska Shabakada Allbanaadir.com
Muqdisho Somalia
Allbanaadir@live.com
