Magaalada Baydhabo ee xarunta KMG ee maamulka Koonfur Galbeed waxaa saakay ka socota doorashada kuraastii ugu dambeesay ee gollaha shacabka ee deegaan doorashadooda aheyd Koonfur Galbeed.
Waxaana maanta lagu wadaa in magaalada Baydhabo lagu wada doorto ilaa todobo Xildhibaan oo maamulkaasi ku harsanaa, kuwaa oo durba qaarkood saakay la doortay halka kuwa kalana ay socdaan.
Xildhibaanada saakay lagu doortay magaalada Baydhabo waxa aku jira taliyaha ciidanka Asluubta Soomaaliya Jeneraal Mahad Cabdiraxmaan Aadan oo sidoo kale ah Soddoga Madaxweynaha Koonfur Galbeed Cabdicasiis Laftagareen.
Kursiga loo doortay Jeneraal Mahad Shub oo tirsigiisu ahaa Hop- 172 waxaa horey ugu fadhiyay inta uusan Madaxweynaha Koonfur Galbeed noqon Cabdicasiis Laftagareen, waxaana kursigan loo xiray kuna soo baxay saakay Soddoga Laftagareen.
Magaalada Baydhabo waxaa sidoo kale saakay lagu doortay xildhibaan Xaawo Sokor Cali oo ku guuleesatay kursiga tirisigiisu yahay HOP047,halka Maxamed Abuukar Cabdi isna loo doortay kursiga Hop#164.
Maanta oo horey loo qorsheeyay in lagu soo gabagabeeyo doorashada gollaha shacabka ayaa la filayaa in ay kusoo gabagabeeyaan doorashada maamulada Koonfur Galbeed iyo Galmudug, halka Jubbalanad, Hirshabelle iyo Puntland wali xildhibaano ku harsan yihiin.
Xafiiska Shabakada Allbanaadir.com
Muqdisho Somalia
Allbanaadir@live.com
https://www.youtube.com/watch?v=WmTPr1fIxDQ
