Guddiga Doorashada heer dowlad goboleed Koonfur Galbeed ayaa maanta wada diiwaangelinta iyo shahaado siinta musharaxiinta u taagan kuraasta ugu dambeysa ee deegaan doorashadooda tahay Koonfur Galbeed.
Musharaxiinta isku diiwaangeliyay doorashada kuraasta gollaha shacabka ee beri lagu dooranayo magaalada Baydhabo waxaa ku jira taliyaha ciidanka Asluubta Soomaaliya Jeneraal Mahad Abdirahmaan Aadan.
Taliyaha ayaa isku soo sharaxay loona xiray kursiga tirsigiisu yahay HOP#172 , waxaana kursigan horey ugu fadhiyay inta uusan Madaxweynaha maamulka Koonfur Galbeed noqon Cabdicasiis Xasan Maxamed Laftagareen.
Kursigan ayaa warar horey usoo baxay waxa ay sheegayeen in suurto gal tahay in uu isku soo sharaxo uuna soo qaato Madaxweyne Laftagraeen si uu ugu tartamo guddoomiyaha gollaha shacabka, hasa ahaatee waxa uu hada siiyay Sodogiis Jeneraal Mahad.
Magaalada Baydhabo ayaa lagu wadaa in beri oo talaado ah lagu soo gabagabeeyo doorashada xildhibaanada gollaha shacabka, waxaana magaaladaasi beri lagu dooranayaa todobi kursi uu ku jiro kursi ay hakiyeen guddiga doorashada heer federaal.
Xafiiska Shabakada Allbanaadir.com
Muqdisho Somalia
Allbanaadir@live.com
https://m.youtube.com/watch?v=RUYv1wR9Vks
