Daahir Amiin Jeesow & Xildhibaano kale oo ku soo baxay doorasho ka dhacay Baladweyne

Doorashada kuraas ka mid ah Golaha Shacabka ayaa ka bilaabatay magaalada Baladweyne waxaana Maanta qorsuhu yahay in la doorto ilaa Saddex kursi.

Xildhibaan Daahir Amiin Jeesow ayaa hab gacan taag ah ugu guuleystay kursiga HOP030 ee Golaha Shacabka , kadib markii uu tanaasulay Musharaxii la tartamayay, wuxuuna helay 101 Cod.

Sidoo kale, Guddiga Maamulka Doorashada Xildhibaanada Hirshabelle ayaa qabtay tartanka kursiga tirsigiisu yahay HOP010,  waxaana u taagnaa Cabdulraxmaan Axmed Cismaan (Gurey) iyo Mudane Cabdinaasir Maxamuud Cabdi

Musharax Xildhibaan Mudane, Cabdinaasir  Maxamuud Cabdi ayaa ka tanaasulay tartanka Doorashada, waxaana ka dib Musharax Cabdulraxmaan Axmed Cismaan (Gurey) loo qaaday codka kalsoonida ee ergada oo ay soo xaadireen 90 Ergay, Wuxuuna helay 88 cod.

Kuraasta taalla Magaalada Beledweyne ayaa waxaa ka haray 9 kursi, waxaana la filayaa in dhawaan Maamulka Hir-Shabeelle uu soo geba-gabeeyo doorashada guud ahaan kurasta Golaha Shacabka, waxaana Magaalada Jowhar lagu dooran doonaa Shan Kursi.