Waxaa maanta magaalada Baydhabo ee caasimadda KMG ee maamulka Koonfur Galbeed lagu doortay lix Xildhibaan oo kamid noqonaya Xildhibaanada gollaha shacabka ee Baarlamaanka 11-aad ee federaalka Soomaaliya.
Kursiga koobaad ee tirsigiisa uu yahay Hop-253 waxaa ku guuleestay Xildhibaan Aadan Maxamed Cali oo helay 70-cod, halka musharaxii kursigan kula tartamayay Cabduqaadir Ibraahim Buule isna helay 21-cod.
Kursiga labaad ee tirsigiisu yahay Hop-178 waxaa kusoo baxay xildhibaan Cabdulaahi Maxamed Cali oo isna helay 70-cod halka musharaxii la tartamayay Bile Xasan Cabdi oo isna helay 25-cod .
Waxaa kursiga saddexaad oo tirsigiisu yahay Hop-050 ku guuleestay Xildhibaan Axmed Shekh Maxamed (Mashruuc) halka musharaxii la tartamayay Maxamed Ibraahim Aadan isna helay 14-cod.
Kursiga afaraad ee tirsigiisu yahay Hop-230 waxaa ku guuleestay Xildhibaan Jaamac Taqal Cabaas oo helay 77-cod halka musharaxa kursigan kula tartamayay Cabdi Cali Cumar isna helay 23-cod.
Doorashada kursiga shannaad ee tirsigiisu yahay Hop- 183 waxaa ku guuleestay Muqtaar Maxamed Guuleed oo helay 83-cod halka musharaxa la tartamayay Xuseen Cali Aadan isna helay 16-cod.
Kursiga lixaad ee maanta doorshadiisu ka dhacya Baydhabo tirsigiisun ahaa Hop- 275 waxaa ku guuleestay Ismaciil iidow Maxamed oo helay 71-cod halka musharaxa la tartamay Cabdisitaar Xasan Cali isna helay 16-cod.
Xafiiska Shabakada Allbanaadir.com
Muqdisho Somalia
Allbanaadir@live.com
https://www.youtube.com/watch?v=Es04y-YCFQo
