C/kariin Sheekh Muuse Qalbi Dhagax oo ka mid ah saraakiisha ONLF ayaa caawa fiidkii gaaray magaalada Nairobi ee dalka Kenya,
Qalbi Dhagax ayaa ka soo duulay magaalada Addis Ababa ee dalka Itoobiya oo uu muddo sanad ka badan ku xirnaa.
Waxaa garoonka diyaaradaha Joma Kenyatta ku soo dhoweeyay Xildhibaano ka tirsan Baarlamaanka Federaalka Soomaaliya, Siyaasiga Faarax Macalin, iyo dadweyne Soomaali ah oo watay calanka Somalia iyo sawiradiisa
C/kariin Qalbi Dhagax ayaa markii uu soo gaaray Nairobi ka mahad celiyay soo dhoweynta loo soo sameeyay, isagoo gacan qaaday dadweynihii soo dhoweeyay.
Dowladda Soomaaliya ay sanad ka hor ku wareejisay Itoobiya, kaddib markii laga soo qabtay Gaalkacyo, lana keenay Muqdisho, waxaana maalmo kaddib loo dhiibay saraakiisha sirdoonka dowladda Itoobiya, waxaana arintaas aad uga carooday guud ahaan Soomaalida.
Xafiiska Shabakada Allbanaadir.com
Muqdisho Somalia
Allbanaadir@live.com
