Guddoomiye kuxigeenkii Guddiga doorashooyinka Heer dowlad Goboleed ee Puntland Caynaanshe Yusuf Xuseen, ayaa shaaca ka qaaday in uu iska casilay xilka uu ka hayay guddiga doorashada iyo sidoo kale xubanimadii guddigaasi.
Qoraal uu soo saaray Caynaanshe Yuusuf ayuu ku ogeesiiyay Ra’isul Wasaaraha xukuumadda Soomaaliya Maxamed Xuseen Rooble , Madaxweynaha Puntland iyo guddiga doorashooyinka in uu is casilay kamid ahaanshaha guddiga doorashada.
Guddoomiye kuxigeenkii Guddiga doorashooyinka Heer dowlad Goboleed ee Puntland, ayaana is casilaadiisa ku sheegay mid shaqsi ah,waxa uuna u mahad celiyay guddiga doorashada heer federaal iyo heer dowlad goboleed uu lasoo shaqeeyay.
Warar soo baxaya ayaa sheegaya Caynaanshe Yusuf Xuseen in sababaha uu isku casilay in ay tahay in uu doonayo in uu kusoo sharaxo kursiga Hop#220, kaas oo uu hadda ku fadhiyo Xildhibaan Cabdirashiid Maxamuud Xasan.
Xafiiska Shabakada Allbanaadir.com
Muqdisho Somalia
Allbanaadir@live.com
https://www.youtube.com/watch?v=wqsMo3bOGcA
