Dagaal qaraar oo u dhaxeeya ciidamada Ruushka iyo kuwa milatariga Ukraine ayaa ka socda magaalooyin kuyaalla dalka Ukraine, waxaana dagaalka socda tan iyo khamiistii ka dhashay khasaaro badan oo isugu jira dhimasho iyo dhaawac.
Xilli uu socdo dagaal xooggan oo u dhaxeeya ciidamada Ukraine iyo kuwa Ruushka ayaa hadana waxaa socda dadaalo labada dal kuwada hadlayaan si dagaalka socda loogu raadiyo xal diblumaasiyadeed.
Dowladda Belarus, ayaa sheegtay iney diyaarisay goob lagu marti galinayo wada hadal u dhaxeeya wufuud ka kala socota dowladdaha Ukraine iyo Ruushka, waxa ayna labada dhinac kawada hadlayaan dagaalka socda iyo sida xal loogu raadin karo.
Wadahadlka ay martigalineyso dowladda Belarus ayaa ka dhacaya xadka dalkaasi la wadaago Ukraine , waxaana Ukraine oggolaatay wadahadalka iyada oo hadana aaminsan in aysan wax natiijo ah kasoo bixin.
Wasaaradda arrimaha dibadda Belarus ayaa shaacisay in la diyaariyay goobta lagu qabanayo wadahadalka dalalka Ukarine iyo Ruushka, waxa ayna wasaaradda sheegtay in wadahadalka uu furmi doono marka wafuuda labada dhinac soo dhameestirmaan.
Madaxweynaha dalka Ukraine Volodymyr Zelensky ayaa sheegay in uusan fileynin in wada hadalada ay yeelanayaan wafuuda Ukraine iyo Ruushka ay kasoo baxayaan natiijo wax ku ool ah hadana diyaar u yihiin ka qeyb galka wadahadalada.
Xafiiska Shabakada Allbanaadir.com
Muqdisho Somalia
Allbanaadir@live.com
