Guddiga doorashada heer dowlad goboleed ee Hirshabelle ( SEIT) ayaa shaaciyay in uu dib u dhac ku yimid doorashada lix kursi oo katirsan gollaha shacabka oo lagu waday in berri lagu doorto magaalada Baledweyne.
Qoraal kasoo baxay guddiga doorashada ayaa lagu wargaliyay musharaxiinta iyo dhammaan umadda Soomaaliyeed in uu dib u dhac ku yimid qabsoomida doorashadii loo madlanaa Maalinta Bari oo ah Sabti 26/02/2022 Sababo Farsamo awgeed.
Doorashada lixda kursi ee dib loo dhigay ayaana guddiga shaaciyeen in la qabanayo maalinta axada, waxaana kurasata dib loo dhigay kala yihiin HOP#006, HOP#022, HOP#003, HOP#032,HOP#252,HOP#068.
Â
Dhinaca kale guddiga doorashada Hirshabelle ayaa shaaciyay odayaasha iyo bulshada soo xuleysa saddex kamid ah kuraasta lagu dooranayo Baledweyne, waxaana kuraastaasi ku jira kursi uu u tartamayo Afhayeenka Xukuumadda Maxamed Ibragim Macalimuu.
Xafiiska Shabakada Allbanaadir.com
Muqdisho Somalia
Allbanaadir@live.com
