Allbanaadir.com
NEWS

Doorashada Xildhibaanada Banaadiriga oo la fasaxay iyo Guddiga Doorashada oo ka hadlay

Ra’isul Wasaaraha Xukuumadda federaalka Soomaaliya Maxamed Xuseen Rooble ayaa dhawwaan guddiyada doorashooyinka heer federaal iyo kuwa Banaadiriga ku amray in ay hakiyaan doorashada Xildhibaanada Banaadiriga, kaddib cabasho loo gudbiyay.

Rooble ayaana cabashada iyo buuqa ka dhashay doorashada Xildhibaanada Banaadiriga u saaray guddiyo si gaar ah u baara cabashada jirta , kuwaa oo isugu jiray guddiyada doorashada iyo xubno katirsan xafiiskiisa.

Guddiga doorashooyinka heer federaal ayaa qoraal ay xalay soo saareen ku shaaciyay in la xaliyay buuqii ka dhashay doorashada kuraasta beelaha Banaadiriga, waxa ayna guddiga sheegeen in la fasaxay doorashada kuraasta beelaha Banaadiriga.

”Guddiga Hirgelinta Doorashooyinka Heer Federaal wuxuu halkan ku shaacinayaa in Guddigii uu Ra’iisul Wasaaruhu u xil-saaray xallinta khilaafkii ka dhashay kuraasta Banaadirigu ay xalliyeen buuqii ka dhashay kuraastaas. Sidaas awgeed waxaan bulshada Soomaaliyeed iyo daneeyeyaasha doorashada ku wargelinaynaa in la fasaxay qabashada doorashadooda, diiwaangelintuna ay billaabanayso.” ayaa lagu yiri qoraalka guddiga doorashada.

Qoraalkan kasoo baxay guddiga doorashada ee lagu fasaxay doorashada kuraasta beelaha Banaadiriga ayaa imaanaya xilli wali ay cabasho badan qabaan beelaha Banaadiriga qaarkood ,kuwaa oo sheegay in xittaa aysan la kulmin guddiyada la magacaabay.

Xafiiska Shabakada Allbanaadir.com
Muqdisho Somalia
Allbanaadir@live.com

https://www.youtube.com/watch?app=desktop&v=wjwyaVuyeMw

Related posts

Miis uu raashin ku cunay Madaxweyne Caan ahaa oo loo daawasho tago (Daawo Sawirada)

Cabdi Cade

Galmudug oo bandow ku soo rogtay degmo dhowaan laga saaray Al-Shabaab

Caydiid Ali

Maqaayad gaar ah oo loo furay dadka xanaaqa badan ama wax ka qaldan yihiin !

Cabdi Cade
Taboola Ads ---