Ciidamo katirsan booliiska dalka Kenya oo marayay Deegaanka Lafey ee hoos tagta degmada Mandheera ayaa lagu weeraray qarax Miino oo wadada dhinaceeda lagu aasay, waxaana qaraxaasi ciidamada Kenya kasoo gaaray Khasaaro.
War kasoo baxay Al Shabaab ayaa lagu sheegay in qarax ku bur buriyeen mid kamid ah gaadiidka dagaalka ay wateen ciidanka Kenya, waxa ayna Shabaab sheegeen in qaraxaasi uu ciidanka kasoo gaaray Khasaaro dhimasho iyo mid dhaawac.
Sargaal katirsan booliiska dalka Kenya ayaa dhankiisa qiray jiritaanka qaraxan lala eegtay ciidankooda, waxa uuna sheegay sargaalkan in qaraxaasi kaga dhaawacmeen shan askari balse aysan jirin khasaaro dhimasho.
Al Shabaab ayaa kordhisay qaraxyada miino ay ku weeraraan gaadiidka ciidanka Kenya ee isticmaala wadooyinka gobolka Waqooyi bari, waxaana inta badan ciidanka la qarxiyo yihiin ciidamo booliis ah oo kuwa ku jira roondooyin amaanka lagu sugayo.
Xafiiska Shabakada Allbanaadir.com
Muqdisho Somalia
Allbanaadir@live.com
