Ciidamada kumaandooska Soomaaliya ee Danab iyo ciidamada maamulka Jubbaland gaar ahaan kuwa daraawiishta iyo Nabad sugida ayaa howlgal wadajir ah ka fuliyay deegaano kuyaala duleedka magaalada Kismaayo.
Saraakiisha hoggaamineysay ciidanka wadajirka ah ee howlgalka fuliyay ayaa sheegay in Al Shabaab ka saareen deegaano ay sheegeen in dadka ku dhibaateen jiray, waxa ayna xuseen in howlgalkooda ka dhashay qeylo dhaan kasoo gaartay dadka deegaanka.
Waxa ay sheegeen saraakiisha ciidanka in howlgalka intii ay wadeen dileen ilaa afar dagaalyahan oo katirsan Al Shabaab halka dhaawac la gaarsiiyay lix dagaalame kale oo katirsan Al Shabaab.
Ciidamada Danab iyo kuwa Jubbaland ayaa howlgalo kooban mararka qaar ka fuiliya deegaano hoostaga magaalada Kismaayo, ciidamadan ayaana inta badan dib uga laabta deegaanada ay howlgalada ka fuliyaan.
Xafiiska Shabakada Allbanaadir.com
Muqdisho Somalia
Allbanaadir@live.com
https://www.youtube.com/watch?v=s6n9zI19XO8
