Al-Shabaab ayaa maanta galinkii dambe goob fagaara ah ku toogtay Nabadoon caan ka ahaa gobolka Shabeellaha dhexe.
Marxuumka la toogtay ayaa lagu magacaabi jiray Nabadoon Abshir Nuur Xuseen (Abshir Maliis) oo da’diisa aheyd 93 sano, waxaana lagu toogtay degaanka Gamboole ee gobalka Shabeellaha Dhexe.
Nabadoonka ayaa caan ka ahaa gobalka Shabellaha Dhexe, gaar ahaan degmada Balcad, waxaana Al-Shabaab ay ku eedeeysay inuu ka mid ahaa ergadii soo xulay xildhibaanada baarlamaanka Soomaaliya.
Nabadoonka ayaa gacanta Al-Shabab ku jiray muddo 3 bilood, isagoo degaanka maanta lagu taagay u tagay dacwad ku saabsan arrin xoolo dhaqato iyo beeraley ka dhaxeysay.
Xafiiska Shabakada Allbanaadir.com
Muqdisho Somalia
Allbanaadir@live.com
