Madaxweynaha Dowladda Galmudug Mudane Axmed Cabdi Kaariye ayaa galabta kulan la qaatay ku xigeenka Ergeyga Qaramada Midoobey ee Arimaha Soomaaliya Kiki Gbeho.
Madaxweynaha Iyo Ergeyga ayaa ka wada hadlay saameynta baahsan ee abaartu ku yeelatay deeganada iyo dadka reer Galmudug iyo sidii gargaar degdeg ah loola soo gaari lahaa dadka iyo duunyada ay saameysay.
Qoor Qoor ayaa sidoo kale kala hadlay Kiki Gbeho arrimaha doorashooyinka xildhibaanada gollaha shacabka ee ka socota dowlad goboleedka Galmudug.
Madaxweynaha dowlad goboleedka Galmudug oo ku sugan magaalada Muqdisho ayaa kulamo kala duwan la qaatay wakiillo katirsan Beesha Caalamka iyo masuuliyiin kala duwan.
