Ciidamada Daraawiishta Dowlad Goboleedka Jubbaland iyo kooxo ka tirsan Al-Shabaab ayaa ku dagaalamay degaano ku yaalla Galbeedka Magaalada Kismaayo.
Dagaalka oo geystay khasaaro isugu jira dhimasho & dhaawac ayaa ka dambeeyay kadib markii Al-Shabaab ay weerareen Ciidamo ka tirsan kuwa Daraawiishta Jubbaland oo howlallo ka waday inta u dhaeeya degaannada Cabdalla Biroole & Buulo Xaaji.
Labada dhinac ayaa isku adeegsaday hub noocyo kala duwan leh.
Sarkaal ka tirsan ciidamada Jubbaland oo la yiraahdo G/lle Dhexe Deeqow Cabdinuur Aadan ayaa sheegay in howlgallada ay wadeen uu ahaa sidii loo xaqiijin lahaa amniga maadaama Magaalada Kismaayo ay ka socdaan doorashooyinka Golaha Shacabka.
“Dagaalka waxaa nooga dhaawacmay laba Askari Al-Shabaabna waxaan gaarsiinay khasaaro isugu jira dhimasho & dhaawac welina howlgallada ka dhanka ah Al-Shabaab wey socdaan” ayuu yiri G/lle Dhexe Deeqow Cabdinuur Aadan.
https://www.youtube.com/watch?v=e6njH4RN1vM
