Ra’iisul Wasaaraha dalka Itoobiya mudane Abiy Axmed iyo Wafdi balaaran uu hogaaminayay ayaa saakay gaaray magaalada Jigjiga ee caasimada dowlad deegaanka Soomaalida Itoobiya.
Abiy iyo Wafdiga la socday waxaa soo dhaweeyay Madaxweynaha dowlad degaanka Mustafe Muxumed Cumar iyo masuuliyiin kale, kuwaa oo uga hortagay garoonka diyaaradaha magaalada Jigjiga.
Ra’isul Wasaaraha dalka Itoobiya iyo xubnaha la socda waxa ay booqan doonaan meelaha ay saameeyeen abaaraha ka jira gobolka iyo dib u eegista hawlaha gargaarka bini’aadantinimo ee halkaasi ka socda.
Waxaa sidoo kale Ra’iisul Wasaare Abiy Axmed inta uu joogo dowlad deegaanka Soomaalida uu la kulmi doonaa Madaxda Maamulada dowlad degaanka, isaga oo kala hadli doona sida loo wajahayo abaaraha kajira degaanka.
Madaxda Dowlad deegaanka Soomaalida ee dalka Itoobiya ayaa ka codsaday Ra’iisul Wasaare Abiy in uu yimaado Magaalada jigjiga si uu ugu kuur galo warbixina looga siiyo xaalada abaareed ee xiloigan ka jira gobolo katirsan dowlad deegaanka.
Xafiiska Shabakada Allbanaadir.com
Muqdisho Somalia
Allbanaadir@live.com
https://www.youtube.com/watch?v=wodE3OIHo6w
