Sargaal katirsan ciidanka booliiska Soomaaliya oo ka howlgalayay saldhiga booliiska degmada Dharkeenley ayaa lagu dilay iska hor imaad dhax maray ciidamada booliiska iyo ciidamo kale oo jaad galbinayay.
Sida aan wararka ku helnay ciidamada booliiska ee ka howlgala degmada Dharkeenley ayaa isku dayay in ay qabtaan gaari jaad waday oo ka yimid dhinaca xeebta Jazeera, hasa ahaatee waxa ay iska hor imaad kala kulmeen ciidamo jaadkaasi ilaalinayay.
Iska hor imaadka ayaa la sheegay in uu ku geeriyooday sargaal katirsanaa ciidanka booliiska oo magaciisa lagu sheegay Cabdullaahi Dheere,waxaana sargaalka haleeshay rasaastii labada dhinac is dhaafsadeen.
Jaadka laga keeno dalka Kenya ayaa si kontorobaan ah looga soo dajiyaa xeebaha kuyaala magaalasa Muqdisho, waxaana jaadkaasi oo ciidamo hubeesan galbinayaan si qarsoodi ah lagu soo galiyaa magaalada Muqdisho taa oo mararka qaar iska hor imaad sababta.
Xafiiska Shabakada Allbanaadir.com
Muqdisho Somalia
Allbanaadir@live.com
