Guddoomiyaha Guddiga Doorashooyinka Heer Federaal ayaa bogaadiyay doorashada Golaha Shacabka ee ka bilaabatay Dowlad Goboleedka Puntland.
Muuse Geelle Yuusuf guddoomiyaha guddiga doorashada heer federaal ayaa sheegay in bilow wanaagsan tahay doorashada Puntland ka bilaabatay, waxa uuna rajo wanaagsan ka muujiyay in doorashada waqtigeeda ku dhamaato.
Doorashadan ay boggaadiyeen guddiga doorashada heer federaal ayaa imaaneysa xili la dhaliilay habka ay ku bilaabatay doorashada ka dhacday Garawe oo musharaxiinta qaar loo diiday in ay tartanka ka qeyb galaan.
