Tiro Madaafiic ah ayaa kusoo dhacay xaafado katirsan degmada Wadajir ee gobolka Banaadir gaar ahaan xaafado ku dhaw dhaw Xarunta Xalane ay dagan yihiin Taliska ciidamada AMISOM.
Inta la xaqiijiyay waxaa xaafadahan ku dhaw xarunta Xalane kusoo dhacay ilaa sadex Madfac oon la ogeyn ilaa hada goobta laga soo tuuray, waxaana Madaafiicdan lagu bar tilmaameedsanayay xarunta Xalane.
Madaafiicda qaarkood oo ku dhacay xaafado dad shacab ah degan yihiin ayaa la sheegay in ay ku dhaawacmeen ilaa shan qof , lamana oga in madaafiicdan qaarkood u gudboon xarunta Xalane .
Madaafiicdan Magaalada Muqdisho kusoo dhacday ayaa imaanaya xili wadooyinkooda magaalada yihiin kuwa xiran oo lasoo dhoobay ciidamo badan, waxaana magaalada ka socda munaasabado waa weyn oo lagu xusayo 1-da luulyo.
Waxii warar ah ee kusoo kordha madaafiicdan kala soco Wararkayaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
