Ra’iisul Wasaaraha Somalia Mudane Maxamed Xuseen Rooble ayaa caawa la kulmay Madaxweynihii hore Shariif Sheikh Axmed iyo Ra’iisul Wasaarihii hore Xasan Cali Khayre
Waxay ka wada hadleen hirgelinta heshiiskii uu maanta gaaray Golaha Wadatashiga Qaran ee dardar gelinta iyo dhammeystirka doorashooyinka sida lagu sheegay qoraal ka soo baxay xafiiska Rooble.
“Wuxuu ahaa shir muhiim oo ku noogu dhamaaday is faham, waxaan rajeynayaa in hore loo socdo la dedajiyo doorashada, ayna noqoto mid hufan, caddaalad ku dhisan, natiijadeedana loo dhan yahay” ayuu Shiikh Shariif oo qoraal kooban soo dhigay facebook.
Golaha Wadatashiga Qaran oo soo gabagabeeyay shirkii uga socday Muqdisho, ayaa soo saaray war-murtiyeed ka kooban 18 qodob oo khuseeya hufnaanta iyo jadwaleynta xilliga ay soo dhammaaneyso doorashada
