Shirkii Golaha Wadatashiga Qaran ee maalmahan ka socday magaalada Muqdisho ayaa la filayaa in goor dhow la soo gebagebeeyo.
Waxaa shirkan gudoominayey raisul wasaaraha Somalia Maxamed Xuseen Rooble, iyadoo ay ka qeyb galeen madaxda sare ee shanta maamul goboleed iyo gobolka Banaadir.
Kulan gaar ah oo yeesheen Golaha Wadatashiga Qaran iyo Midowga Musharaxiinta ayaa wax yar ka soo dhamaaday, iyadoo inta badan soo jeedintii Musharaxiinta la qaatay.
Shirkan oo diirada lagu saaray qodobo ay ka mid yihiin hufnaanta doorashada golaha shacabka iyo amniga ayaa la filayaa in goor dhow laga soo saaro War murtiyeed la xiriira waxyaabaha lagu heshiiyey.
Dhinaca kale, waxaa caawa la filayaa in Hotelka Decale lagu qabto munaasabad casho sharaf ah oo lagu sagootinayo qaar ka mid ah madaxda dowlad goboleedyada ee shirka golaha wadatashiga u joogay Muqdisho.
LA SOCO WIXII SOO KORDHA..
Xafiiska Shabakada Allbanaadir.com
Muqdisho Somalia
Allbanaadir@live.com
