Wararka ka imaanaya degmada Guriceel ee gobolka Galgaduud ayaa sheegaya in dagaal xoogan oo u dhaxeeya ciidamo katirsan milatariga dowlada federaalka iyo ciidamada booliiska Galmudug uu halkaasi ka socdo.
Ciidamada dagaalamaya ayaa wararku sheegayaan in ay isku adeegsanayaan hub nuucyo kala duwan leh, waxaana dagaalka xoogiisa ka socda agagaarka Saldhiga booliiska ee degmada Guriceel.
Sida aan wararka ku helnay dagaalka ayaa yimid kadib markii saldhiga booliiska Guriceel lagu xiray askar katirsan ciidanka milatariga gaar ahana kuwa Gor Gor, waxaana ciidamo arintaasi ka carooday dagaal la galeen ciidamada booliiska.
Wali lama oga khasaaraha ka dhashay dagaalka ka socda degmada Guriceel ee gobolka Galgaduud, mana jiro ilaa hada wax war ah oo kasoo baxay maamulka Galmudug oo ku aadan dagaalka Guriceel ka socda.
Ciidamada milatariga Soomaaliya gaar ahaan kuwa Gor Gor ayaa magaalada Guriceel la geeyay intii ay socdeen dagaalkii u dhaxeeyay ciidamada maamulka Galmudug iyo kuwa kooxda Ahlu Sunna.
Xafiiska Shabakada Allbanaadir.com
Muqdisho Somalia
Allbanaadir@live.com
