Kulankii maanta hotel Decale ku yeesheen Madaxda Golaha Wadatashiga Qaranka ee looga hadlayey doorashooyinka kaasoo uu shir guddoominayay Ra’iisul Wasaaraha Soomaaliya Maxamed Xuseen Rooble ayaa maalintiisii afaraad soo gabageboobay.
Afhayeenka xukuumada Somalia ayaa sheegay in kulankaan uu ku soo dhamaaday natiijo wanaagsan, ayna madaxda golaha qaab isfaham leh uga doodeen qodobadii laga hadlayey oo uu ka mid ahaa hufnaanta doorashada.
Wararka ayaa sheegaya in madaxda golaha wadatashiga ay wadaan la tashiyadii ugu dambeeyey, ayna beri la kulmi doonaan Midowga Musharixiinta Madaxweynaha Soomaaliya, waxaana ka dib la soo saarayaa War murtiyeed ku saabsan qodobadii ka soo baxay shirka sida qorshuhu yahay.
Xafiiska Shabakada Allbanaadir.com
Muqdisho Somalia
Allbanaadir@live.com
