Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa ugu hambalyeeyay Guddiga Maamulka Doorashada Dowlad Goboleedka Jubbaland , Guddiga Doorashada Heer Federaal iyo Madaxweynaha Dowlad Goboleedka Jubbaland Axmed Maxamed Islaam (Madoobe) bilaabista doorashada Golaha Shacabka ee maanta ka bilaabatay magaalada Kismaayo
Raisul Wasaare Rooble ayaa ku adkeeyay Guddiyada Doorashooyinka heer federaal iyo heer dowlad goboleed in doorashadu ay noqoto mid daahfuran oo waafaqsan habraacyada doorashooyinka.
Waxa uu sidoo kale Ra’iisul Wasaaraha dalka u hambalyeeyay xildhibaannada maanta la doortay oo ku jirto wasiir katirsan Xukuumada kuwaa uu u rajeeyay in Eebbe ku garab galo mas’uuliyadda loo igmaday.
