Ra’isul Wasaaraha xukuumada federaalka Soomaaliya Maxamed Xuseen Rooble ayaa hoygiisa xiligan kulan gaar ah kula leh xubno katirsan gollaha midowga musharaxiinta madaxweynaha.
Kulankan ayaa sida wararka ku helnay looga hadlayaa doorashada xildhibaanada golaha shacabka iyo sidii loo sixi lahaa, waxa uuna Ra’isul Wasaare Rooble talooyin lagu saxayo doorashada ka dhageesanaya midowga musharaxiinta.
Waxaa sidoo kale kulankan looga hadlayaa shirka golaha wadatashiga qaran ee la filayo in dhawaan ku yeeshaan magaalada Muqdisho, shirkaas oo laga yaabo in laga soo saaro go’aamo cusub oo la xariira doorashada.
Doorashada xildhibaanada gollaha shacabka ee ku bilaabatay musuq maasuqa ayaa abuurtay khilaaf siyaasadeed, waxaana dhawaan Ra’isul Wasaare Rooble shaqada ka eryay xubno katirsan guddiga xalinta khilaafaadka oo go’aano qaldan soo saaray.
Xafiiska Shabakada Allbanaadir.com
Muqdisho Somalia
Allbanaadir@live.com
