Gabar Wariye ah oo katirsan Warbaahinta dowlada Soomaaliya ayaa duhurnimadii maanta lagu dhaawacay magaalada Muqdisho gaar ahaan meel ku dhaw Isgooska Dabka ee Wadada Maka Al Mukarama.
Sida aan Wararka ku heleyno gabadha Wariyaha oo lagu magacaabo Farxiyo Mire Maxamuud ayaa labo xabadood lagu dhuftay, waxaana loola cararay dhaawaca gabadhan mid kamid ah Isbitaalada Muqdisho.
Dad ku sugnaa halka lagu dhaawacay gabadha Wariyaha ayaa sheegay in ciidamo katirsan booliiska ay xireen ninkii dhaawaca u geestay gabadha Wariyaha, lamana oga wali waxa uu salka ku hayo dhaawaca loo geestay Gabadhan Warbaahinta dowlada u shaqeyneysay.
Wasaarada Warfaafinta iyo Laamaha amaanka ayaan wali ka hadlin Wariyaha Muqdisho lagu dhaawacay, waxaana falkan uu imaanaya xili mudooyinkii dambe ay yaraadeen beegsiga Wariyaasha Soomaaliyeed.
Xafiiska Shabakada Allbanaadir.com
Muqdisho Somalia
Allbanaadir@live.com
