Wararka ka imaanaya dalka Itoobiya ayaa sheegaya in ciidamada federaalka Itoobiya hormaro balaaran ka gaareen dagaal saacadihii lasoo dhaafay la galeen xoogaga TPLF ee dagaalka xoogan kala soo horjeeda.
Warbaahinta taageerta dowlada Itoobiya ayaa baahiyay in ciidamada federaalka gudaha u galeen Gobolka Tigrey ayna la wareegeen magaalada Alamata oo kutaaala koonfurta gobolka Tigrey.
Warkan la baahiyay ayaa hadii uu xaqiiqo noqdo waxa ay guul weyn u tahay ciidamada federaalka Itoobiya oo bilooyin kadib cagta saaray deegaanada gobolka Tigrey, waxa ayna ciidamada isku dayayaan in ay sii wiiqaan awooda xooggaga TPLF oo dib u gartay.
Ciidamada Itoobiya ayaa horey xooggaga Tigrey uga soo saaray magaalooyin iyo deegaano dhoor ah oo kuyaala gobolada Canfarta iyo Amxaarada ay horey u qabsadeen, waxaana guulahan ciidamada gaareen timid kadib markii Abiy Axmed dagaalka ku biiray.
Hogaamiyaha Tigrey ayaa ku amray ciidamada Tigrey in ay kasoo baxaan goobaha ay ka joogaan gobolada Tigrey iyo Amxaarada ayna isugu yimaadaan xadka, waxa uu sidoo kale hogaamiyaha Tigrey dalbaday wadahadal.
Xafiiska Shabakada Allbanaadir.com
Muqdisho Somalia
Allbanaadir@live.com
