Madaxweyne ku-xigeenka Hirshabelle Yuusuf Axmed Hagar (Dabageed) oo ka hadlayey munaasabad maanta ka dhacday Muqdisho ayaa si cad u sheegay in kuraasta xubnaha golaha shacabka ee taalla Hirshabelle ay la doonayaan iney ku soo baxaan shaqsiyaad gaar ah.
“Kursi kasta oo ay dhowr murashax u taagantahay, ogaada! Annaga hal musharax ayaan la rabnaa, wuuna guuleysan doonaa” ayuu yiri dabageed oo hadalkiisa uu toos ugu socday musharaxiin badan oo saameyn Siyaasadeed ku leh gobolka Hiiraan kuwaasoo kuraastooda Beled-weyne taallo.
Yuusuf dabageed oo si weyn ugu dhow Villa Somalia ayaa hadalkiisa dad badan waxay ku fasireen iney cadeyn u tahay boob la sii shaaciyey oo lala damacsan yahay kuraasta taalla magaalada Beladweyne.
Dabageed oo Muqdisho ka deganaa Hotel ku dhow Xarunta dhexe ee Nabad-sugidda, hadalka uu maanta sii daayay waxaa uu dareen feejignaan leh geliyey musharaxiin reer Hiiraan ah oo xusul duub ugu jira doorashada golaha shacabka.
Dabageed ayaa noqonaya masuulkii ugu horeeyey dowlad goboleedyada ee fagaare si cad uga sheega iney kuraasta qaar la rabaan iney helaan shaqsiyaad ay wataan, waxayna tani ku soo aadeysaa xili muran badan uu ka taagan yahay doorashada kuraas ka tirsan golaha shacabka oo dhowaan la qabtay ka dib markii si cad loo boobay.
Xafiiska Shabakada Allbanaadir.com
Muqdisho Somalia
Allbanaadir@live.com
