Wasiirkii hore ee amniga Galmudug Axmed Macalin Fiqi oo sidoo kale ah xildhibaan ka tirsanaa baarlamankii 10aad ee xiligiisu dhamaaday ayaa labo su’aalood oo xasaasi ah ka keenay go’aankii uu RW Rooble shaqada fariisiyey xubno ka tirsanaa guddiga xalinta khilaafaadka doorashada.
Fiqi oo qoraal kooban soo dhigay baraha bulshada ayaa isweydiiyey sababta talaabo looga qaadi waayey gudiyadii doorashada ee musuqa ku kacay mar haddiiba la saxayo qaladaad dhacay.
HOOS KA AKHRISO QORAALKA ROOBLE OO DHAMEYSTIRAN
Tallaabo Qandha-jabin ah (anti pain). Waxaan eegeynaa midowga musharixiintu sida ay relief u dareemaan!
Guddiga xallinta khilaafaadku waa halka ay wax ku soo dhamaadaan, guddiyada kale wax ay soo qaldaan ama ay soo musuqmaasuqaan ayaa soo gaara, waxaa in la isweydiiyo mudan sababta kuwii wax soo qalday tallaabada looga qaadi waayey oo kuwaan kaligood loo beegsaday haddiiba wadada wax sixidda loo jeestay!
Tan kale go’aanadii qaldanaa ee guddigaas ka soo baxay waxba lagama dhihin! Haddii qalad iyo eex ay sameeyeen lagu eryay xubnahaas, go’aanadii ay soo saareena waxa ay ahayd in meesha laga saaraa!! Haddii kale waraaqahaan laftooda ayaa xalaalanaya wixii guddigu xalaaleeyey!?!
Si kasta ha ahaatee, waxba wax bay dhaamaane tani in ay bilow tahay haloo niyaysto!
Axmed Macalin Fiqi
Xafiiska Shabakada Allbanaadir.com
Muqdisho Somalia
Allbanaadir@live.com
