Wasiirka Arrimaha Dibadda iyo Iskaashiga Caalamiga ah, Mudane Cabdisaciid Muuse Cali, ayaa maanta Muqdisho ku qaabilay Danjiraha Dowladda Qadar u jooga Soomaaliya, Mudane Xasan Bin Xamsa Asad.
Wasiirka Arrimaha Dibadda iyo Danjiraha Dowladda Qadar ayaa waxa ay kulankooda kaga wada hadleen arimo ay kamid ahaayeen xoojinta xiriirka saaxiibtinnimo iyo iskaashiga dheef-wadaagga ah ee ka dhexeeya Soomaaliya iyo Qadar.
Cabdisaciid Muuse ayaa uga mahadceliyay dowlada Qatar taageerada joogtada ah ee la garab taagan tahay Soomaaliya gaar ahaan fulinta mashaariicda wax ku oolka ah sida dhismaha wadooyinka isku xira Muqdisho iyo labada Shabelle.
Dowlada Qatar ayaa xiriir aad u dhaw la leh dowlada uu hogaamiyo Madaxweyne Farmaajo, waxa ayna Qatar xiligan Soomaaliya ka taageertaa dhinacyo badan ay kamid tahay dhaqaale siinta dowlada iyo fulinta mashaariic kala duwan.
Xafiiska Shabakada Allbanaadir.com
Muqdisho Somalia
Allbanaadir@live.com
