Wasaaradda diinta iyo awqaafta ee dowlada Sacuudiga ayaa ka Mamnuucday dalkaas jameecada Tabliiqa loo yaqaano o ah koox diimeedku caan baxay dacwada islaamka
Baraha bulshada Sucuudiga ayaa qabsaday hadal heyn iyo doodo ku saabsan magaca Jamaacada Dacwada iyo Tabliiqa’, doodda ku saabsan Jamaacadan oo sidoo kale dalkaas looga yaqaano Al Axbaab
Culimada masaajidda ku yaalla Sucuudiga ayaa khudbaddii jimcihii la soo dhaafayay ka digay jamaacada loo yaaqaano Tabliiq kadib go’aanka ka soo baxay Wasaaradda diinta iyo awqaafta ee Sacuudiga.
Wasaaradda diinta iyo awqaafta waxay ku amartay culimada masaajidda inay jeediyaan khudbooyin ku saabsan si loo muujiyo wax ay ugu yeertay marin habaabinta, leexinta iyo khatarta kooxdan, iyo inay tahay mid ka mid ah albaabbada argagixisada.
Go’aanka Wasaaradda ayaa lagu sheegay in ka mid noqoshada kooxaha dhinac u jaanjeera oo ay ku jiraan kooxda Tabliiqa ay mamnuuc ka tahay gudaha Boqortooyada Sacuudi Carabiya.
Culimada Sacuudiga waxay jameecada tabliiqa ku eedeeyeen inay wadaan nooc suufinimo ah, iyadoo  Sacuudiga loo arko arrin khilaafsan sharciga Ilaahay.
Tabliiq Waa koox Islaami ah oo uu aasaasay wadddaad Hindi ahaa oo la oran jiray Muxammad Ilyaas Al-Kandhlawi, xilliggii qarnigii 20-aad, wuxuuna ahaa amiir ilaa uu ka geeriyooday 1944-kii, waxaana ujeedjeedu yahay fidinta diinta Islaamka.
Xafiiska Shabakada Allbanaadir.com
Muqdisho Somalia
Allbanaadir@live.com
